Skakke Røykeri har drive med foredling av laks, aure, vilt og andre kjøttprodukt sidan 2009.

Dei siste åra har me òg hatt ei rekke catering og kokkeoppdrag til spesielle høve, og er brennande opptatt av å fremja norsk matkultur. Foredling av råvarer slik vikingar hadde kunnskap om er vår kjerneverdi. Naturlege råvarer av beste kvalitet, norske stoltheiter og ansvarleg gjennomsiktig produksjon gjer at me forankrar samspel mellom lokal historie om Erling Skakke og norsk matkultur i alle våre produkt.

Skakkelaks og Skakkeaure – er handmassert med Erling Skakke konjakk og røykt på fersk einer.

Produkta er oppkalla etter Erling Skakke Ormsson, norsk riksstyrar og formyndar for sonen Magnus, som åtte år gammal vart krona til Noregs konge i 1164 og regjerte frå Stødle i Etne. Erling Skakke var ein tøff viking som blei mest kjent for sine korsferder til Det heilage land. Under ein kamp med mauarane i Spania fekk han det hogget i halsen som gjorde at han seinare bar hovudet litt på skeive og blei kalla Erling «Skakke». Skakkelaksen og Skakkeauren har fått mykje ros. Begge produkta er tildelt Spesialitets merker av stiftelsen Matmerk, og Skakkeaure var finalist i Det norske måltid i 2018 og NM i 2019.